Að vera í fríi á sunnudegi er góð skemmtun

ef: A. Skrapa málninguna af svefnherbergisglugganum og set upp gardínurnar. Set saman skrifborðið og tengi nýju tölvuna og prentarann. Hengi upp úr þvottavélinni. Hengi upp eldhúsklukkuna, ekki á snúrurnar þó. Klára að skrúfa saman skrifborðsstólinn sem ég byrjaði á fyrir hálfum mánuði en gafst upp af því að ég kom ekki hjólunum á.

eða: B. Held áfram að sitja og glápa út í loftið og lesa sömu bloggin aftur og aftur.

Jæja. JÆJA!!!!!!! Þetta seinna var verkstjórajæja.

Nú ætlaði ég að setja inn mynd af sjálfri mér síðan ég var ung og yndisfríð en hún vill ekki verða stærri en passamynd. Ætli maður fari ekki að setja þessa nýju tölvu saman, það hljóta að vera skilaboðin.