Lesarinn, öðru nafni The Reader

Og svona til að halda áfram að gera ekki neitt, ég rakst á umfjöllun um The Reader einhversstaðar og var svosem ekkert að pæla í henni, enda hef ég ekki séð hana og nú er aðeins lengra fyrir Bidduna að kíkja í bíó.

Nema hvað, ég rakst einhvers staðar á umfjöllun þar sem söguþráðurinn var rakinn og þá kviknaði ljós í kolli Biddu, þessa sögu kannaðist ég mætavel við, gott ef ég átti ekki bókina. Og þá kom sér nú aldeilis vel að vera komin með allt safnið upp í hillur því að ég gat gengið beint að henni.

Mér finnst það alltaf svolítið flott.

Ég bjó mér til bíómynd í kollinum þegar ég las bókina, gerir maður það ekki alltaf? Núna þarf ég að sjá hina og bera þær saman. Og ég sem var ekkert að pæla í þessari mynd, það er jú alltaf verið að gera bíómyndir.

En fyrst þarf ég að gera annað.

Athugasemdir

[Ragnheiður , 2.3.2009 kl. 00:01]

En nú er ég búin að prjóna peysuna, hún er að þorna hérna á borðinu með þremur frænkum sínum. Líklega kem ég henni af stað í vikunni.

Ég bý sífellt til myndir í höfðinu þegar ég les og verð oftar en ekki pirruð þegar ég sé einhvers annars útgáfu af sögunni "minni"

Þarna eigum við sameiginlega, bækur ! ég elska bækur!!

[Margrét Birna Auðunsdóttir, 2.3.2009 kl. 11:20]

Ég hlakka til að fá peysuna, assgoti ertu snögg að þessu

Jájá, ég hef átt margar svona "myndir", Kristínu Lafransdóttur til dæmis, svo voru sýndir þættir eftir henni fyrir nokkrum árum og ég gat ekki horft því að ég kannaðist ekkert við þessa dramadrottningu sem var alltaf að kasta sér veinandi í gólfið. Mín Kristín var ekki svoleiðis.

Gaman að þessu.