Alveg grínlaust

Ókei, þetta var nú einum of hjá blessaðri konunni. En allavega, konur hafa gjarnan gert grín að körlum fyrir að geta ekki gert nema eitt í einu, við erum flestar þrælvanar að vera með puttana í svona tíu hlutum á sama tíma og þykjumst góðar. Gefa barni brjóst og tala í símann, keyra svo bíl á sama tíma, er þetta eitthvert mál?

En ætli það sé tilviljun að flestir frægustu kokkar og klæðskerar heimsins eru karlmenn? Á ekki saumaskapur og eldamennska að vera eitthvað sem leikur í höndunum á konunum? Af hverju skara karlarnir þá svona fram úr okkur? Er ekki bara málið að einbeita sér að einu í einu og hætta að grautast í öllu, þá nær maður árangri?

Það held ég.

Ók bíl, gaf barni brjóst og talaði í síma á meðan

Athugasemdir

[DanTh, 3.3.2009 kl. 21:39]

Ég held bara að þú hafir komist að kjarna málsins.  Bara að gera eitt í einu. 

[Margrét Birna Auðunsdóttir, 4.3.2009 kl. 07:01]

En ekki segja neinum, þá verð ég lamin