Lög í réttri röð

Einu sinni safnaði maður uppáhaldslögunum sínum á kassettur. Lögin mynduðu órjúfanlega heild, enda ekkert hægt að hoppa á milli laga eins og í nútíma græjum og þegar eitt lag hljómaði vissi maður alltaf hvað kæmi næst. Ég var núna áðan að hlusta á Barracuda með Heart sem ég átti einu sinni á kassettu. Nema hvað kassettan er löngu orðin ónýt og núna á ég lagið á geisladiski sem bloggvinur minn sendi mér einu sinni að westan.

Nema hvað, þegar Barracuda er að enda heyri ég alltaf í huganum byrjunina á Burn með Deep Purple. Bara af því að það var næsta lag á kassettunni minni. Og það gerðist einmitt núna. Og þá bara verð ég að heyra Burn. Í botni!