Lúxusinn að gera ekki neitt

Alltaf á allt að gerast þegar maður er í sumarfríi. Það á að mæta daglega í ræktina, koma reglu á mataræðið, lesa heimildir og punkta hjá sér. Ekki hjá mér. Jú, þetta síðasta.

Ég byrja að vinna á fimmtudaginn og þá kemur kjölfestan aftur. Þá ætla ég að byrja að mæta daglega í ræktina, koma reglu á mataræðið og koma nýju ritgerðinni á flug. Já einmitt. Jú, allavega þetta síðasta.

En í dag nýt ég þess að sitja heima á náttkjólnum og sauma út og góna út í loftið. Þarf bráðum að fara að koma mér í leppa og ná mér í eitthvað að éta úti í búð. En ég nenni því ekki. Það má nú flokka undir lúxusvandamál.

Athugasemdir

[www.zordis.com, 20.8.2007 kl. 23:10]

Það má nú segja að þú eigir við luxus vandamál að stríða  njóttu fríssins sem þú átt eftir ....