Ostur

Ég hef úldinn matarsmekk. Hákarl kemur mér til að slefa og ég gæti étið skötu flesta daga ársins ef hún er almennilega kæst. Bragðlaus skata er ógeð.

Mér finnst bragðsterkur ostur góður. Gráðostur er unaður og Parmesan nauðsyn og eftir að ég uppgötvaði ostinn í grænu umbúðunum, ah, hvað heitir hann aftur? Man ekki, ég gái bara að ostinum í grænu umbúðunum. Já, Óðalsostur.

En nú hef ég eignast nýtt uppáhald. Ísbúa. Ég er reyndar alltaf næstum búin að kalla hann Nýbúa, alveg óvart. Mér finnst Ísbúi svo góður að mig dreymdi hann í nótt. Mig dreymdi að ég var að dásama þennan ost við einhverja góða manneskju og lýsti honum þannig að hann smakkaðist eins og það hefði verið migið yfir hann. Ég var, eins og ég sagði, að dásama þennan ost.

Matur handa Biddu

Athugasemdir

[www.zordis.com, 23.11.2007 kl. 22:53]

Elsku kjéddlingin, það væri almennilegt að lenda í partý með þér og næla sér í kósý miðnætursnarl!

SVo gætum við tekið lagið saman, lofa engu um tónfegurð mína en gaman verður það! 

[Margrét Birna Auðunsdóttir, 23.11.2007 kl. 23:00]

Úldið og bragðgott miðnætursnarl

[Laufey Ólafsdóttir, 24.11.2007 kl. 15:38]

Gráðostur?  sorrý! Ég get ekki lýst á prenti þegar ég var plötuð til að smakka hákarl fyrst. Ekki heldur þegar mér var sagt að brennivín dræpi bragðið

Semsagt...

[Margrét Birna Auðunsdóttir, 25.11.2007 kl. 00:15]

Já brennivín Að maður skyldi ekki læra fyrr að drekka það óblandað (og ískalt). Minningin ein um brennivín í kók kallar fram hjá mér ælubragð og reyndar líka ófáar minningar um sveitaböll þar sem pabbi þinn var oftast að spila

Ég held að ég bjóði þér ekki í mat

[Laufey Ólafsdóttir, 27.11.2007 kl. 04:53]

Nei en við gætum spilað bingó Pabbi minn já? Hann hefur margt á samviskunni

Brennivín og kók Eigum við ekki bara að segja bingó og bjór?

[Margrét Birna Auðunsdóttir, 29.11.2007 kl. 00:37]

Bingó og bjór