Mér er kalt á minni kló

Ég get svo svarið það, þetta átti ekki að vera svona. Aldrei skyldi maður trúa veðurfræðingum. Ég er að þrjóskast við að vera dálítið kvenleg , maður verður nú að sýna þessar kvenlegu línur sem ég er búin að berjast fyrir í ræktinni, og þess vegna hef ég ákveðið að ganga í pilsi í sumar. En í gær, drottinn minn, hvílíkur stormur og rigning , það var ekki um annað að ræða en að draga fram pollagallann. Svo að pilsið var gyrt ofan í vindbuxurnar og svo var hjólað í vinnuna. Og brennslan, maður, við að hjóla á móti þessum viðbjóðslega stormi, það var ansi veðruð dama sem komst rennsveitt á leiðarenda. En það spáir góðu um helgina, ég ætla að leyfa mér að trúa því. Og í næstu viku verð ég á bíl, þá ætlum við Auðun að gera eitthvað skemmtilegt. Vonandi þarf ekki að elta sólina til Akureyrar, það væri nú einum of...

Athugasemdir

[www.zordis.com, 9.6.2007 kl. 09:50]

Hér svitnar kona án áreynslu, er sveitt á milli guddómlegra laera í frjálsu falli pylsfalds.  Pjúfffff ... ad hjóla á móti svormi, veit ekki, nema kanski Sverri Stormsker!