Nenni ekki nenni ekki nenni ekki

Ég hef eina góða aðferð til að koma mér í gang með að þrífa heima hjá mér, ég býð til mín gestum! Það setur á mig tímapressu og allt í einu er allt orðið glansandi fínt. Og eins og veðrið er núna þá er það skásta í stöðunni að ráðast á geymsluna sem hefur verið að garga á mig síðan í vetur, ekki vill maður eiga það eftir þegar sólin fer að láta sjá sig. Geymslur eru mjög vanmetin herbergi, sérstaklega í svona litlu húsi þar sem mikilvægt er að nýta plássið. Og þá er best að koma sér í gang  já, ekkert svona, núna! Það er fólk á leiðinni.