Enn eitt dæmi

þess að við Íslendingar erum ekki siðmenntuð þjóð. Ókei, þarna á einn dómari hlut að máli og skyldi kannski ekki dæma alla stéttina eftir honum. En bara það að þetta skuli geta gerst í dómssal segir okkur að hlutirnir eru ekki í lagi, þessi dómari hefur greinilega frekar einkennilegt viðhorf til kvenna og kemst upp með það. Svona frétt er af því tagi sem maður hefur helst séð í furðufréttum úr fjarlægum heimshlutum sem við höfum ekki hingað til viljað bera okkur saman við.

Sýknaður af ákæru fyrir að taka mynd af naktri konu

Athugasemdir

[Jón Gunnar Ásbjörnsson (IP-tala skráð) 29.3.2007 kl. 09:22]

Hér eru allar forsendur dómsins: Fjölmiðlar, a.k.a. 4. valdið hafa oft tilhneygingu til að klippa hluti úr samhengi.

Brot ákærða er talið varða við 209. gr. almennra hegningarlaga nr. 19/1940. Að mati dómsins er óumdeilt að háttsemi ákærða var til þess fallin að særa blygðunarsemi Y. Til þess að unnt sé að sakfella ákærða fyrir brot á nefndri 209. gr. þarf háttsemin að vera lostug af hans hálfu. Í greinargerð með frumvarpi til breytingar á almennum hegningarlögum sem varð að lögum nr. 40/1992 segir svo m.a. svo: ,,Af nýjum sérákvæðum í 200.--202. gr., sbr. 8.--10. gr. frumvarpsins um kynferðislega áreitni, leiðir hins vegar að undir 209. gr. fellur nú fyrst og fremst ýmiss konar háttsemi önnur en káf og þukl á líkama, t.d. gægjur á glugga, berháttun og önnur strípihneigð, klúrt orðbragð í síma.“ Þetta bendir ótvírætt til þess að með lostugu athæfi sé átt við háttsemi af kynferðislegum toga sem er til þess fallin að veita þeim sem slíka háttsemi hefur í frammi einhverja kynferðislega fullnægju. Ekkert bendir til þess að svo hafi verið í tilfelli ákærða. Eru því ekki efni til að sakfella hann fyrir brot gegn nefndri 209. gr. almennra hegningarlaga.

[Margrét Birna Auðunsdóttir, 29.3.2007 kl. 17:15]

Einmitt, þessi dómari hefur einkennilega hugmynd um kynferðislega áreitni, það er greinilega ekki nóg að taka mynd af nakinni manneskju og dreifa út um allt, eftir þessu að dæma ætti að vera leyfilegt að taka myndir í búningsklefum sundlauganna, hversu fáránlegt er það?

[Jón Gunnar Ásbjörnsson (IP-tala skráð) 29.3.2007 kl. 18:26]

Nei það yrði brot á 234. gr. almennra hegningarlaga eins og ákæra hefði átt fyrir brot á í þessu máli.