Þetta er gríðarlegur missir

Það eru einstaka listamenn sem ná að snerta einhvern streng í mér svo að ég er ekki söm á eftir. Þeir leikarar sem hafa komið mér til að hlæja og gráta og fara í gegnum allan tilfinningaskalann fá sérstaklega útbúið herbergi í hjarta mínu þar sem þeir eru nánast um aldur og ævi. Þessi strákur er í þeim hópi.

Ég tók eftir Heath Ledger í Knight's Tale þegar hann var auglýstur sem nýja ástralska hönkið, arftaki Mel Gibsons og Russells Crowe. Ég hef alltaf auga fyrir sætum strákum en hann heillaði mig ekkert sérstaklega umfram það. En eftir það vissi ég af honum. Fallegt útlit stendur oft leikurum fyrir þrifum og þeir festast í vissum hlutverkum. En hann lét ekki setja sig á þannig bás eins og Brokeback Mountain er merki um. Eftir þá mynd fylgdist ég spennt með öllu sem kom frá honum. Ég hlakkaði svo mikið til að fylgjast með honum í framtíðinni.

En svona eru þessar listamannssálir, þær eru viðkvæmar. Því meiri listamaður, því þynnri skrápur.

Heath Ledger látinn

Athugasemdir

[Laufey Ólafsdóttir, 23.1.2008 kl. 08:55]

Ég var einmitt að lesa þetta á öðru bloggi. Hræðilega sorglegt.

[www.zordis.com, 23.1.2008 kl. 22:46]

Dauðinn er alltaf dapur!  óska þess að styrkur almættis hjúfri sig að familíunni hans. 

Ég held að það hafi ekkert með listamanninn að gera að hann hafi farið sem fór!  Fráskilinn, aleinn og hver veit nema hann hafi verið farið að ala félagsskap á öðru en því sem viðurkennist.

Það fannst pilluglas við hlið hans og miðlar vilja meina að hann hafi í ógáti  tekið of stóran skammt!  Lífið er hranalegt, stundum!

[Margrét Birna Auðunsdóttir, 23.1.2008 kl. 23:49]

Það eru ekki allir listamenn svona viðkvæmir, sem betur fer, en því miður of margir. Hann leið sálarkvalir fyrir að fá aldrei að vera í friði fyrir ljósmyndurum og þegar myndir af honum eru skoðaðar sést að þetta er ekki glatt andlit.