Þetta er nú aldeilis föstudagskvöld

Eru ekki allir æstir í að skipta við mig? Örugglega! Kom heim úr vinnu, aðeins meira að gera en í gær og prjónarnir voru ekki snertir. Kveikti á útvarpinu sem er alltaf stillt á Gufuna, fjölbreyttustu og skemmtilegustu stöðina. Ætlaði að leggja mig í smá stund en endaði á að sofa í heila þrjá tíma og dreymdi svo skemmtilega að mér lá ekkert á að vakna, alltaf fjör í Atlavík. Ef ég hefðí nú einhvern tímann komið í Atlavík Þegar ég vaknaði var hátíðardagskrá í útvarpinu til að minnast Jónasar Hallgrímssonar og það var voðalega notalegt að hlusta í svefnrofunum. Ég er eiginlega enn í svefnrofunum, allavega hafði ég ekki rænu á að fara í búðina og nú er ég svöng Ætli ég sofni nokkuð í nótt?

Og ég sem var boðin í partý. Fyrirgefðu, Unnur, það er allavega skárra að ég sofi heima hjá mér heldur en í stofusófanum hjá þér.

Athugasemdir

[www.zordis.com, 17.11.2007 kl. 08:26]

Agalegt að vera svona þreyttur ... lúta lægra haldi fyrir svefnenglunum!

Vonandi ertu vöknuð og útsofin