9.11.2007 | 20:58
Ég ætti að verða oftar veik...
... og hanga heima aðgerðalaus. Í alvöru, ég get svo guðsvarið það. Það bara streyma frá mér uppgötvanirnar, eða streyma í hausinn minn réttara sagt. Sú stærsta og besta er að sjálfsögðu sú að ég er ekki í námi eins og er. Ég er með ritgerð í smíðum, það hefur ekkert breyst, hinsvegar er ég smám saman búin að gera mér grein fyrir því að ég get ekki sinnt henni eins og er þar sem ég er að drukkna í öðrum verkefnum. Til hvers þá að láta hana liggja yfir mér eins og mara, hvaða skynsemi er í því? Hún verður tekin með trukki eftir jól eða um leið og ég verð búin að klára verkefnin í Árnastofnun. Þá verð ég líka bara í einni vinnu. Og þetta hefur í för með sér að ég get lesið allt sem mig langar til án sektarkenndar. Öfugt við þegar ég reyndi að lesa bókina um Matthías Jochumsson og náði ekkert að einbeita mér að henni vegna kvíða og spennu og skilaði henni ólesinni. Og jólabækurnar eru að hrúgast í búðir (og á bókasöfn) þessa dagana og bíða eftir mér Og annað, ég er ekki að fara að taka eitt einasta próf í desember, alveg búin að klára þann pakka - nema ég fari í meira nám. Vá, hvar eru nú allar smákökuuppskriftirnar sem ég hafði ekki tíma til að baka í fyrra og hitteðfyrra? Maður getur bara farið að skella sér í jólagjafaframleiðsluna og haft þær ætar í ár. Og þó, þær voru ætar í fyrra og það hafði enginn lyst þegar komið var fram á aðfangadagskvöld. Nema Fundarstaðarkökurnar hans Shawns, þær hurfu hratt og vel.
Fundarstaðarkökur (Nanaimo bars)
Neðsta lag:
- 125 ml. smjör
- 60 ml. sykur
- 75 ml. kakó
- 1 egg
- 1 bolli hveiti
- 1/2 bolli brætt smjörlíki
- 1/2 bolli púðursykur
- 1/2 bolli saxaðar hnetur
- 125 ml. kókosmjöl
Bræðið smjörið, sykurinn og kakóið. Bætið egginu út í og hrærið. Fjarlægið af hitanum og bætið hinu við. Þrýstið vel í tiltölulega stórt form. Kælið á meðan miðjulagið er gert.
Miðjulag:
- 125 ml. smjör
- 40 ml. rjómi (eða mjólk)
- 1/2 tsk. vanilludropar
- 500 ml. flórsykur
Hrærið saman smjörinu, flórsykrinum og vanilludropunum. Bætið rjómanum smám saman við. Dreifið jafnt yfir neðsta lagið.
Efsta lag:
- 125 g. suðusúkkulaði
- 30 ml. smjör
Bræðið, bíðið svo þangað til það er volgt en ennþá í vökvaformi og hellið yfir. Kælið í ísskáp.
Að lokum er þetta svo skorið í teninga, algert sælgæti í jólapakkann. Ég bjó þetta til í fyrra og það tókst vel en ég veit ekki af hverju það er bæði smjör og smjörlíki í neðsta laginu, ég myndi bara nota það fyrrnefnda. Og nú man ég ekki hvort ég mældi þyngd eða rúmmál á kókosmjölinu og öllu því, þetta er allt í millilítrum í uppskriftinni, það verður bara að koma í ljós. Og ég er með þá áráttu að breyta öllum uppskriftum, mér datt í hug að strá kókosmjöli yfir súkkulaðið áður en það harðnar, eða kannski flórsykri til að líta út eins og snjór, svo jólalegt sko Ég var rosalega montin í fyrra, ég klippti út pappaspjöld og klæddi þau í álpappír og setti svo smjörpappír á milli laga, batt svo allt saman með lengjum úr samanvöfðum álpappír og út úr því komu hrikalega flottir silfur-konfektkassar handa mömmu og þeim systrum mínum sem voru svo heppnar að halda jólin með mér
En þetta kemur allt í ljós, ekki get ég gert það sama og í fyrra, er það? Á ég ekki bara að prjóna pottaleppa eða eitthvað? Ef einhver ættingi minn er að lesa, láttu þá vita af þér svo að ég sé ekki blaðrandi um jólagjafir eins og asni
Um bloggið
Tær ávöxtur
Nýjustu færslur
- 10.2.2024 Sæl frænka
- 30.12.2023 Sextugur meistari
- 19.7.2023 Ofbeldissambandið
- 19.5.2023 Fuglinn Fönix
- 18.4.2023 Þessi blessuð systkini mín - ef systkini skyldi kalla
Færsluflokkar
Tenglar
Gott fólk
- Anne og kanínurnar
- Bjöggi
- Bryndís og krakkatríóið
- Drífa systir
- Erla
- Erlingur
- Frikki bróðir og fjölskylda á Barnalandi
- Guðný
- Heroine Girl
- Lorýa
- Meike Almáttugur, ég á þó ekki að fara að læra þýsku???
- Nanna
- Svanhildur Anja
- Tóta trainer
- Þórdís
- Gamla bloggið mitt
Gleðikórinn
- Gleðikórinn
- Anna Ósk
- Ásdís
- Bjarnheiður og Ásta Rut í Malawi
- Erna María
- Gaui
- Gaui, Kristín og Emilía Ólöf
- Gísli Leifs
- Helgi Heiðar
- Hilla
- Jón Ólafur
- Kalli
- Karen
- Krunka
- Lára
- Linda í Kosovo
- Pálína og René
- Rakel
- Shawn
- Sigga Víðis
- Sigurást
- Telma
- Ýrr
- Þórir
Háskólakórinn
- Háskólakórinn
- Birna
- Einar Steinn
- Einar
- Gulla
- Hafdís
- Kristján
- Linda Lóla Pönk
- Ragnheiður
- Sara
- Sigga Rósa
- Sigrún
Skemmtilegt dót
Bloggvinir
- asgerdurjoh
- atlanta
- atvinnulaus
- biddam
- birgyrr
- birnapala
- bitill
- bjarney
- bookiceland
- don
- ernamaria
- garun
- gattin
- gledibankinn
- gudmundurmagnusson
- gurrihar
- harpahrund
- helgafell
- hronnsig
- hross
- ipanama
- jenfo
- jonaa
- kjarri
- larahanna
- laufeywaage
- nanna
- neytendatalsmadur
- olinathorv
- omarragnarsson
- palmig
- rafgeymar
- ragnarfreyr
- rene
- saethorhelgi
- saran
- stebbifr
- thorsaari
- toshiki
- ugla
- zordis
- elfarlogi
- lydur
Heimsóknir
Flettingar
- Í dag (19.5.): 0
- Sl. sólarhring: 1
- Sl. viku: 34
- Frá upphafi: 0
Annað
- Innlit í dag: 0
- Innlit sl. viku: 34
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.