Frægasta tippið á Íslandi

Þeir gleymdu nú svakalegustu myndinni, Myrkrahöfðingjanum. Það er ekki nóg með að Hilmir Snær sjáist á tippinu heldur er hann geltur og eistunum fleygt fyrir hundana. Hann mun hafa þurft að liggja á bekk í heilan dag á meðan kynfæri hans voru máluð og skreytt til að sýnast alblóðug og sundurskorin. Það var sagt í einhverju blaði um daginn að Myrkrahöfðinginn hefði gert út af við feril Hrafns Gunnlaugssonar svo að ekki hefur tippið hans Hilmis bjargað miklu þar. Það hefði þurft svo miklu meira til. Með fullri virðingu fyrir Hilmi Snæ.

Annars fór ég að reyna að rifja upp eftir að hafa séð Veðramót hversu oft ég hefði séð þennan umrædda líkamspart og það var frekar fyndið að ég gat bara alls ekki munað það. Í Hárinu sá ég það fyrst, eða kannski var það bara rassinn, og í Þrek og tár var líka nektarsena þar sem hann klifrar upp í baðkar, var það ekki annars hann? Fyrir utan bíómyndirnar.

Einhverjum finnst þetta vera ekki-frétt ársins en maður hlýtur að spyrja sig þegar ég get ekki munað hve oft ég hef séð tippið á Hilmi Snæ. Það hafa greinilega fleiri en ég hugsað svipað.

Hilmir Snær nakinn í kvikmyndum