Bidda er með taugar úr stáli

Fólk er eitthvað mikið úti að aka þessa dagana. Allavega virðast sumir ekki hafa áttað sig á því að það er ástæða fyrir því að það er bannað að tala í gemsa undir stýri. Ég þurfti í dag að æpa á manneskju á jeppa sem var að horfa í hina áttina og tala í gemsa, það munaði engu að hún keyrði mig niður. Arg Það er svínað fyrir mig á hverjum degi, ég þarf að hafa augun hjá mér stanslaust. Ég hef einu sinni verið keyrð niður af bílstjóra sem glápti í hina áttina, þá rúllaði ég upp á umferðareyju, slapp með marbletti og sá ekki á hjólinu, það var lýgileg heppni. En kræst, það er ekki fyrir hvern sem er að hjóla í borginni, hver bílstjóri virðist vera í eigin heimi. Og talandi í gemsa. Af hverju fær þetta lið sér ekki bara hjól?

Þetta var geðvonskublogg dagsins. Mér líður strax miklu betur

Athugasemdir

[www.zordis.com, 1.8.2007 kl. 07:45]

Gott að Biddalitla er lifandi og sparkandi ærslafull!  Það er með ólíkindum hvað sumt fólk er utanviðsig ..... ég er ein af þeim sem tala stundum við sjálfa mig á meðan ég ek .... nehhhh

Eigðu góðan dag og "suerte" í umferðinni .....

[Garún, 1.8.2007 kl. 10:22]

Já og fólk á heldur ekki að nota handfrjálsan búnað.  Ég segi eins og Ellen, ef að það þarf tvær hendur til að keyra, þá ætti heilinn á þér líka að vera með í því.  Bara ekki keyra og tala í síma.  Tala seinna.  Óþolandi þessi árátta að verða að svara þegar síma helvítið hringir.  Ekkert líf.  Ég slekk til dæmis á mínum síma reglulega, en nei, nú er komin þjónusta (sem ég bað ekki um) og það er að láta mig vita með sms hverjir hringdu meðan slökkt var á símanum.  Svo ég hef enga afsökun what so ever.