Bidda og fótboltinn

Ég skil ekki fótbolta og hef ég þó reynt. Ég uppgötvaði Íslandsmótið í fótbolta þegar ég var svona 12 ára af því að stóra systir var með fótboltadellu og ég þurfti að sjálfsögðu að hafa allt sem hún hafði. Ég fylgdist með mótinu af gríðarlegum áhuga eitt sumar og hef ábyggilega haldið með Val, finnst afar ósennilegt að það hafi verið Selfoss... Já þetta hefur verið '75 þegar Jóhannes tók hjólhestaspyrnuna og allt það. Og svo kláraðist mótið og eitthvert lið vann, allt í lagi með það. En svo kom nýtt tímabil og þá byrjuðu allir á núlli, líka þeir sem voru í toppsætunum árið áður. Eftir alla baráttuna og svitann þá byrjuðu þeir á NÚLLI árið eftir. Og smám saman rann upp fyrir mér að þeir gerðu það á hverju vori, burtséð frá árangrinum sumarið áður. Mér fannst það svo bjánalegt, eins og að láta lemja sig í hausinn aftur og aftur. Þá hætti ég alveg að skilja fótbolta.

Athugasemdir

[www.zordis.com, 29.7.2007 kl. 10:16]

Fótboltinn er stórt spurningarmerki ??  Ég hef einbeitt mér að horfa á alla þessa fullorðnu menn sem elta eina leðurtuðru .....  Fótbolti er Tabú og umræðuefni sem kona forðast að eiga við hina sem eru rauðir í kinnum af áhuga.  Áfram K.R.

[Bjarney Bjarnadóttir, 29.7.2007 kl. 13:24]

Hahaha já þó að ég sé algjört sportidjót þá skil ég sko alveg þessa skoðun, og reyndar er ég oft sjálf hissa á hvernig fullorðið fólk umbreytist vegna íþrótta og hversu mikla peninga þessi fótboltamenn eru að fá fyrir þetta tuðruspark!! Magnaður andskoti...