Lifandi í limbó

Ég skora á alla þrjá lesendur þessarar síðu að horfa á Alive in Limbo á Rúv í kvöld. Áhrifaríkasta heimildamynd sem ég hef séð og sem ég fæ vonandi að horfa á aftur ef matargestirnir verða farnir. Ég vil samt gjarnan hafa þá sem lengst, bara svo að það sé á hreinu. Ég er að marinera kjúkling í sólberjasafa og fleiru og ilmurinn er gersamlega að gera mig vitskerta  En þessi heimildamynd, hún er algert skylduáhorf. Ég myndi setja tengil hér ef ég hefði fundið einn slíkan. En þetta fjallar semsé um lífið í Shatila-flóttamannabúðunum í Líbanon þar sem fjórar kynslóðir Palestínuaraba hafa búið frá stofnun Ísraelsríkis 1948 án nokkurra borgararéttinda. Svo fjölgaði eftir Sex daga stríðið 1967 og Yom Kippur 1973. Þetta fólk hefur ekki einu sinni vegabréf og þarna lifir fólk og deyr án þess að komast lönd né strönd. Vill einhver prófa að skipta???