Gleðigleðigleði

Ég er ennþá að venjast því að hafa ótakmarkaðan aðgang að sjónvarpi eftir að ég fékk voddið. Að vera búin að fá ekki bara Rúv heldur 30 aðrar stöðvar (note to self: muna að segja þeim upp áður en frímánuðurinn rennur út). Þess vegna var svo geggjað að detta inn á DR1 í dag og sjá danska krónprinsinn (hann er svo mikið krútt) lýsa því yfir að hann væri búinn að eignast dóttur. Hann er svo sætur, væri alveg til í að eignast dóttur með honum. En allavega, ég hafði ekki guðmund um að frúin væri ólétt, svona er að vera sjónvarpslaus. Og í beinni útsendingu, mér fannst ég bara vera með í þessu öllu. Svo sætt.

Og svo gleymdi ég að skipta og allt í einu var farið að sýna Matador, þáttinn þegar Ulrik kemur heim með ólétta kærustu og skilur hana svo eftir og fer að elta Ellen. Ég skildi ekki bofs, ég bara kann þættina utanað. Enda á ég þá alla síðan þeir voru síðast sýndir. Ef ég einhvern tímann fer til Danmerkur skal ég kaupa þættina textalausa, þá kemur danskan eins og skot.

Fjölgar í dönsku konungsfjölskyldunni

Athugasemdir

[siggadisa (IP-tala skráð) 23.4.2007 kl. 15:34]

Þeir fást á Kastrup