Tónleikar um næstu helgi

 

Jæja, þá er vika í stóru stundina. Þann 25. nóvember munu Háskólakórinn og Ungfónían flytja Messu í C eftir Beethoven og er það frumflutningur á Íslandi. Leikurinn verður endurtekinn þann 27. því að auðvitað dugir ekkert minna en að fylla Langholtskirkju tvisvar til að sem flestir fái að njóta dýrðarinnar. Einnig mun Ungfónían, öðru nafni Sinfóníuhljómsveit unga fólksins, leika Hersinfóníu eftir Jósef Haydn.

Einsöngvarar:

Rannveig Káradóttir, sópran

Sybille Köll, alt

Hlöðver Sigurðsson, tenór

Valdimar Hilmarsson, bassi

Stjórnandi er Gunnsteinn Ólafsson

Staður: Langholtskirkja

Tími: Sunnudagskvöldið 25. og þriðjudagskvöldið 27. nóvember kl. 20.

Verð: 1500 við innganginn en aðeins 1000 í forsölu og 500 fyrir börn, aldraða og námsmenn.