Af réttri hillu og vitlausri

Vitlausa hillan fór héðan samviskusamlega fyrir helgi. Í dag átti sú rétta svo að koma ásamt fjórum borðstofustólum sem einhverra hluta vegna höfðu orðið eftir í borginni. Og svo fékk ég hringingu frá Flytjanda um að hjá þeim biðu mín fjórir stólar. En engin hilla? Karlinn fór og leitaði en þar var engin hilla stíluð á mig. Við ákváðum því að geyma stólana aðeins og ég hringdi í Rúmfatalagerinn til að fá skýringu á þessu.

Það kom í ljós að hillan hafði ekki verið send, bara stólarnir. Núna er hún lögð af stað til mín. Sú vitlausa var hinsvegar komin heim til sín.

Það verður því örlítil bið á því að ég geti gengið almennilega frá bókunum mínum. Og svo þarf ég að muna eftir því að slökkva á símanum næstu daga því að ég er að fara á næturvaktir og ég vil fá að sofa þegar ég má það...

Athugasemdir

[www.zordis.com, 2.2.2009 kl. 19:49]

Voða eigingirni er í Biddunni ... slökkva á símanum þegar umheimurinn þarf að heyra í henni hljóðið!!!

Hvernig leggst annars í þig fegurð austfjarða?? Austfirsk karlmenni og lagarfljótsormurinn? Knús á þig mín kæra!

[Margrét Birna Auðunsdóttir, 4.2.2009 kl. 07:05]

Fegurð Austfjarða og austfirskra karlmanna er alveg milljón

Og Lagarfljótsormurinn... Ég sé hann af svölunum

Ormurinn er nefnilega bátur sem hefur vetursetu í lítilli vík rétt við brúna og á sumrin siglir hann upp og niður eftir fljótinu með túrista í maganum, kannski étur hann þá, úúú