Landslag í vetrarsól

Það eru aldeilis læti í landstjórninni, nú eru mótmæli síðustu mánaða að skila árangri. Ég var lengi framan af ánægð með ríkisstjórnina en aðgerðaleysi hennar síðan í október er alveg ófyrirgefanlegt. Það er kominn tími til að aðrir spreyti sig.

Fáum bara meira landslag, það róar æstustu hugi. Þetta er alveg sama landslagið og í gær en í morgun var þessi skafheiði himinn og sól, landslagið var allt í einu komið í spariföt. Ég held að það hafi verið í tilefni dagsins.

Út um stofugluggann. Séð yfir Lagarfljótið.

Og enn meira Lagarfljót. Tekið af svölunum til suðurs.

Það er svona stutt út á flugvöll. Nú ber að taka það fram að það er ágætis zoom á vélinni minni. Tekið af svölunum til norðurs. Fellabær lúrir þarna hinum megin við fljótið.

 

Til suðausturs. Það rýkur vel upp úr sundlauginni.

Til suðurs, beint upp í sólina. Þegar ég flutti hingað náði hún ekki upp fyrir sjóndeildarhringinn en nú er hún farin að skína. Verst að ég tók ekki eftir því hvaða dag það gerðist, gæti verið tíu dagar eða svo.

Fjarðarheiðin. Tekin beint í austur frá útidyrunum. Ég bý svo ljómandi vel að hafa svalir bæði til austurs og vesturs og það er gengið inn frá austursvölunum. Sem gefur mjög prívat tilfinningu.

Norðaustur. Hnjúkurinn þarna heitir held ég Norðasta-Snæfell, samkvæmt Íslandsatlasnum sem er gull mitt og gersemi þessa dagana. Hinum megin við hann er Borgarfjörður eystri þar sem Bræðslan stendur aldeilis ekki auð.

Og lengra í norðaustur. Þetta vatn, spurning hvort þetta eru bara klakapollar sem hverfa í vor eða hvort það er hægt að busla þarna á sumrin. Þetta er allavega ekki hið títtnefnda Lagarfljót.

Og enn lengra til norðurs af austursvölunum. Lagarfljótið fyrir miðri mynd en ekki veit ég hvað þau heita, þessi fjöll í bakgrunninum. Þarna er hringnum lokað því að til vesturs er Fellabær fjær og flugvöllurinn nær. Ég er nánast með 360° útsýni.

 

Athugasemdir

[Hrafnhildur Þórólfsdóttir (IP-tala skráð) 26.1.2009 kl. 23:54]

Yndislegt að fá að njóta þessa útsýnis með þér :) Fallegt!

[www.zordis.com, 27.1.2009 kl. 20:54]

Eru strákarnir jafn sætir og umhverfið?

Glæsilegt!

[meike (IP-tala skráð) 27.1.2009 kl. 23:35]

Yndi!

Kveðju úr kjallaraíbuðinni frá Meike Moldvarp

[Margrét Birna Auðunsdóttir, 28.1.2009 kl. 00:15]

Takk allar Strákarnir eru sætir og skemmtilegir en toppa ekki alveg landslagið. Enda þarf MIKIÐ til eins og sjá má Þeir eru samt alltaf að batna.

Og munið að það er alltaf skemmtilegra að skoða landslagið með berum augum. Ég vil helst fá ykkur allar í heimsókn